Govven: Carl-Johan Utsi
Sámiráđđi jugii jagi 2022 kulturdoarjagiid
Sámiráđđi kulturlávdegoddi mearridii čoahkkimisttis 8.–9.12.2021 jagi 2022 kulturdoarjagiid juohkimis. Doarjagat juhkkojuvvojedje iešguđet kultursurggiide miehtá Sámi oktiibuot 1 750 000 Norgga ruvnno. Kulturdoarjagiid ulbmil lea doarjut, ealáskahttit ja ovddidit oktasaš sámi dáidda- ja kultursuorggi. Doarjaga sáhttet ohcat ovttaskas sápmelaččat, sámejoavkkut ja -searvvit. Doarjagiid juohkimis vuoruhuvvojit earenoamážit doaimmat, mat fátmmastit dihtomielalaččat olles Sámi. Kulturdoarjagiid ruhtadit Davviriikkalaš ministtarráđđi ja Norgga beale Sámediggi.
Ohcamušat bohte miehtá Sámi - Ruošša beale Sámis eanet ohcamušat go ovdal
Sámiráđi jahkásaš kulturdoarjagiidda bohte oktiibuot 96 ohcamuša miehtá Sámi. Ohcamušain 63 ledje prošeaktadoarjja- ja mátkestipeandaohcamušat ja 33 ledje bargostipeandaohcamušat. Ohcamušaid mearri lea lassánan jahkásaččat. Dán jagi ohcamušat bohte earenoamáš ollu namalassii Ruošša beale Sámis, gos eai leat goassige ovdal boahtán ná ollu ohcamušat.
- Lei somá fuomášit, ahte Ruošša beale Sámis leat movttáskan ohcat doarjagiid kulturdoaimmaide. Doarjjaohcamušaid gieđahaladettiin sáhtii vuot gávnnahit sámi kultuvrra girjáivuođa, dasgo ohcamušat ledje boahtán nu máŋggalágan kulturdoaimmaide miehtá Sámi, gávnnaha kulturlávdegotti jođiheaddji Matti Aikio.
Bargostipeandda ožžo Roman Yakovlev, Sunna Kitti ja Ann Holmgren Aurebekk
Sámiráđđi juohká jahkásaččat golbma 100 000 NOK dahje 200 000 NOK sturrosaš bargostipeandda áigeguovdilis dáiddáriidda dahje kulturbargiide Sámis. Dán jagi bargostipeanddaid ožžo Roman Yakovlev (giella, 100 000 NOK), Sunna Kitti (ráidogovva, 200 000 NOK) ja Ann Holmgren Aurebekk (filbma, 200 000 NOK).
- Mii oaččuimet ollu buriid ohcamušaid iešguđet kultursurggiin. Lei váttis mearridit stipeanddaid juohkimis, daningo ohcamušat ledje nu ollu. Ohcamušaid stuorra mearri muitala, ahte bargostipeanddaide lea stuorra dárbu Sámis. Bargostipeanddat eai leat nu ollu gávdnomis Sámis. Dat leat dehálaš ruhtagáldu sámi dáiddáriidda, dadjá Aikio ja sávvá kulturdoarjagiid movttiidahttit sámi kultursuorggi.
Bargostipeanddat 2022:
Roman Yakovlev (Giella)
Sunna Kitti (Ráidogovva)
Ann Holmgren Aurebekk (Filbma)
Prošeaktadoarjagat 2022
1. Pinja Pieski: Oahppomátkkit ja dánsunkurssat, 35 000 NOK
2. Inghilda Tapio: Mánnávuođa bálgát, 20 000 NOK
3. Sámi Dáidaga doarjjasearvi rs: Skábmagovat eamiálbmogiid filbmafestivála, 50 000 NOK
4. Inga Elin Marakatt: Lohkama illu sámi mánáide: Mánáid girji: Lilli, Lávre ja Sávioolbmot, 30 000 NOK
5. Deatnogátte Sámiid Searvi: ČSV 50 jagi ávvudeapme – Sámelihkadus ja Deatnogátte sámesearvi, 30 000 NOK
6. Anára Sámisearvi ry: Ijahis idja 2022 – eamiálbmogiid musihkkafestivála, 40 000 NOK
7. Petra Laiti: Sámegielat dánsunmusihka almmustahttin, 20 000 NOK
8. Stiftelsen Samisk musikkfestival i Kautokeino: Sámi Grand Prix 2022, 40 000 NOK
9. Ellen-Margaret Gaup-Juuso: Sámáiduhttit dáidagiin, 18 000 NOK
10. Milla Elmiina Pulska: Ravggon-joavkku nuppi albuma gárven ja skearrualmmustahttima stream-konsearta, 40 000 NOK
11. Vuohču Sámiid Searvi rs: Vuohču Sámiid Searvi 50 jagi -prošeakta, 35 000 NOK
12. Kolttakulttuurisäätiö: Saaʹmi jieʹllempälggsest – nuortalaččaid eallinbálgás 2 -čájáhus, 16 000 NOK
13. Ulla Pirttijärvi-Länsman: Ulla Pirttijärvi & Uldda "Vuolgigoahtit" -albuma gárven, 35 000 NOK
14. Inga-Wiktoria Påve: Eanuid eadni, 24 000 NOK
15. Máigon Film AS: I love my guođoheaddji , 48 000 NOK
16. Saara-Maria Salonen: Sounds of Säämi, 15 000 NOK
17. Riddu Riđđu Festivála AS: Riddu Riđđu Mánáidfestivála 2022, 40 000 NOK
18. Viktor Pinayev: Oahpahuslaš lávdespeallu ”Nomadic Camp2” guhtta sámegillii, 20 000 NOK
19. Sáminuorra: Boatsujäladusá boahtteájgge, 30 000 NOK
20. Iŋgá-Máret Gaup-Juuso ja Patrick Shaw Iversen: Tundra Electro – Sáráhkká, 45 000 NOK
21. Rein Film Finnmark AS: Dál lea doarvái, 20 000 NOK
22. Rein Film Finnmark AS: Vi lover et helvete, 30 000 NOK
23. Kristin Tårnesvik: Uten tittel (arbeidstittel), 20 000 NOK
24. Márkomeannu: Riot gáhpagat, 40 000 NOK
25. Saemien Sijte: Kulturdoaimmat nuoraide, 50 000 NOK
26. Róhta (Elin Kåven): Róhta - Vuosttaš skearru, 20 000 NOK
27. Marja Skum: Áhku bálgás – dokumenterenprošeakta, 10 000 NOK
28. Lisa Gaelok, Gun Aira, Katarina Spik Skum: Garraduodjegirjje, 60 000 NOK
29. Elin & The Woods: Elin & The Woods - Album nr 2., 20 000 NOK
30. Paul-Anders Simma: Várra niibi, 20 000 NOK
31. Kotlova Galina Timofeevna: Soidezero, 20 000 NOK
32. Chepes Sam: Snowwhite Tundra, 25 000 NOK
33. Galkina Zoya Petrovna: Sami handicrafts, 10 000 NOK
34. Avdeeva L.P.: Sami Collections of Museums in St. Petersburg, 10 000 NOK
35. Blinova Ekaterina: Headdresses, 10 000 NOK
36. Vatonen Albert: Sami Jevellery, 15 000 NOK
37. Kozhevina Tatiana Sergeevna: Festival ”Sami Masters and Heirs”, 20 000 NOK
38. Sapelnikov Vitaly Nikolaevich: ”Saami Yalmush” – Sami Life, 20 000 NOK
39. Guseva Nadezhda: Useful Plants, 10 000 NOK
40. Natalia Gavrilova: Making a Video of a Modern Sami fairytale, 6 000 NOK
41. Bogdanova Natalia Alekseevna: Book ”Love to Northern Nature”, 10 000 NOK
42. Khvashenok Maria: Parktem tujj, 10 000 NOK
43. Veselkov Sergey Nikolaevich: Sami tujj – Sami handicrafts, 15 000 NOK
44. Vasilyeava Alla: Cartoon-school ”Chakhkli”, 15 000 NOK
45. Tatiana Matrekhina: Baby book series in Kildin Sami for the little children, 12 000 NOK
46. Saplenikova Milana: Future book: look, read, listen, 15 000 NOK
47. Kacherin Ivan Andreevich: Illustrating fairytales by P.P. Yuriev and other Sami tales, 17 000 NOK
48. Guseva Victoria Evenievna: Sami Culture in Paintings, 10 000 NOK
49. Perepelitsa Olga Andreevna: Sápmi living room, 14 000 NOK
50. Maj Doris Rimpi: Guojttem, 50 000 NOK
51. Yakovlev Yakov Yakovlevich: Artbook, 15 000 NOK