Ovttasbargu Olahit Mihtuid
Mihtu lea nannet čađahanreaidduid ja ođasmahttit globála bargoguoibmevuođaid ceavzilis ovdáneapmái.
Mii dárbbašat ođđa, nana bargoguoibmevuođaid vai sáhttit lihkostuvvat ceavzilvuođamihtuiguin. Eiseválddit, ealáhusat ja siviilaservodagat fertejit ovttasbargat olahan dihte ceavzilis ovdáneami, ovttas sápmelaččaiguin ja eará eamiálbmogiiguin.
Sápmelaččat leat dássážii leamaš unnán mielde barggus olahit ceavzilvuođamihtuid, vaikke leat máŋga mihttu mat gusket njuolga midjiide. Dáinna portálain háliidat mii rievdadit justa dan.
Okta oassemihttu lea álkit fidnet luohttevaš ja áššáigullevaš dieđuid main lea alla kvaliteahtta, juhkkojuvvon čearddalašvuođa ja etnalašvuođa mielde. Mii diehtit ahte Sámis leat ollu áššit maid lea dárbu dutkat, maiddá dieđuid dáfus maid dárbbašat vai olahat ceavzilvuođamihtuid, ja vurdojuvvo ahte stáhtat leat mielde dan doaimmas.
