Ráfi, Vuoiggalašvuohta ja Nánu Ásahusat
Mihttu lea ovddidit ráfálaš ja fátmmasteaddji servodagaid maid ulbmil lea ceavzilis ovdáneapmi, fuolahit ahte buohkaide lea riektesihkkarvuohta olámuttos, ja hukset doaibmi, fátmmasteaddji ásahusaid buot dásiin mat váldet ovddasvástádusa.
Stáhtat galget sihkkarastit vuhtiiváldi ja fátmmasteaddji mearridanproseassaid buot dásiin, main lea mielmearrideapmi ja mat ovddastit olbmuid. Dat galget maid ovddidit, ja giehtaguššat, ii-vealaheaddji lágaid ja politihka ceavzilis ovdáneapmái.
Sápmelaččat leat buoret dilis go máŋga eará eamiálbmoga, go mii eallit ráfálaš oasis máilmmis. Goitge leat hástalusat sápmelaččaid riektesihkkarvuođa dáfus, ja etnalaš vealaheapmi gávdno ja áiggis áigái ii leat sápmelaččain vejolašvuohta mielmearrideapmái. Sámis lea hui dárbu hukset iežas ásahusaid, dávjá stáhtarájáid rastá.
