Govvagilvu birasáššiin nuoraide
Dálkkádatnuppástus ja min stáhtaid industrialiserejupmi rievdada birrasa maid Sámis. Dál mii háliiditge oaidnit makkár áššit fuolastuhttit du.
Sámiráđđi bidjá johtui nuoraid govvagilvvu birasáššiid birra Sámis! Juoga du fuomášumiid ja fuolat - unnit dahje stuorat - minguin ja oassálastte gilvui.
Mii bovdet 13-33 jahkásaš nuoraid oassálastit gilvui.
Oassálastte ja juoga govva dahje govaid birasáššiin Sámis, man Sámiráđđi sáhttá geavahit boahtteáiggis gulahallan barggustis. Logi buoremus gova bálkkašuvvo fiinna dujiin. Eambbo diehtu vuoittuid birra lea boađi boađi.
Fuom! Ođđa áigemearri:
Oassálastte gilvui maŋimuštá geassemánu 13. beaivvi
Searvva gilvui dán skovi bokte:
Ovdamearkkat birasváttisvuođain dahje birasáššiin Sámis:
Sisabahkkemat
Bieggamillut
Ruskkat luonddus
Nuoskkideapmi
Luondduvalljivuohta
Dálkkádat rievdadeapmi
Dahje muhtun eará birasváttisvuohta vaikko dat ii leatge dás máinnašuvvon. Čále gova oktavuhtii oanehis govvateaksta dahje muitalus das maid govas oidno.
Eavttut:
Govas sáhttet leat olbmot, muhto sin ámadeajut eai ábut oidnot
Govas ii ábut oidnot govvejeaddji dahje fitnodaga namma, iige earáge dieđuid
Govvejeaddji galgá addit Sámiráđđái lobi geavahit govva friddja gilvvu maŋŋá
Leat go dus gažaldagat gilvvu ektui? Sáddes šleađgaboastta min oahpahalliide.
