Oassálaste duoji ja sámi fitnodateallima nannemii juogadettiin dieđu ja vásáhusaid sohkabuolvvaid gaskkas.

Sápmái Buorrin ohcá hárjánan duojára dahje sámi fitnodatdoalli mentora rollii Ruoktu resideansa prográmmii, gos guovddážis leat duodji, hutkáivuohta ja Sámi bargovuogit.

Prográmma bistá golbma mánotbaji ja lea oaivvilduvvon aktiivvalaš duojáriidda ja sámi fitnodatdolliide miehtá Sámi, geat háliidit ovddiidit iežas barggu ja ovdanbuktojumi. Ruovttus - iežas birrasis oassálastit vudjot iežaset jurdagiidda ja ovddidit barggustis seammás go oassálastet oktasaš oahppamii ja vásáhusaid juohkimii.

Mentoran beasat doarjut ja stivret oassálastiid juogadettiin iežat dieđu ja vásáhusa konteavsttas gos diehtu, árbevierru ja ođđa olggosbuktinvugiid šaddet ovttas.

Sáddes iežat ohcamuša maŋimustá 7. geassemánu

Ohcan

- čuovvut duojáriid ja sámi fitnodatdolliid joavkku olles prográmma áigge
- plánet ja ollašuhttit mentorerema ovttas Sápmái Buorrin -prošeavttain
- ordnet jeavddalaš digitálalaš mentorerendeaivvademiid (gáfestallamat)
- oassálastit guokte deaivvadeapmái báikki alde prográmma álggus ja loahpas
- doarjut oassálastiid sin barggu ja jurdagiid ovddideamis
- ovdidit ovttas doaibmabirrasa gos juohkit dieđu ja vásáhusaid
- vásáhus ámmátlaš duojárin dahje sámi fitnodatdoallin
- buorre dovdamuš sámi servodagain
- vásáhus rájiid rasttildeaddji barggus Sámis
- máhttu duojis, barggus eará materiálaiguin, hámiin ja árbevieruin
- nanus gulahallandáiddut ja gii máhttá bures bargat sihke iehčanasat ja ovttas earáiguin
Buorre máhttu gulahallat eaŋgalasgillii, sihke čálalaš ja njálmmálaš, lea gáibádus daningo oassálastit bohtet Suomas, Ruoŧas ja Norggas. Sámegiella lea ovdamunni.
- guovvdáš rolla duojáriid ja sámi fitnodatdolliid doarjumis ja ovddideamis
- vejolašvuođa juohkit iežat dieđu ja vásáhusaid
- rolla gos ovttastuvvet mentoreren, plánen ja ollašuhttin
- bargobirrasa, gos beasat bargat ovttas ja juohkit dieđuid miehtá Sámi
Prográmma bistá golggotmánus juovlamánnui 2026. Bargu vástida golmma mánotbaji bistevaš ollesáigásaš barggu ja sisttisdoallá mentorerema válmmaštallama, ollašuhttima ja maŋŋedoaimmit. Bargu sisttisdoallá guokte deaivvadeami (báikki alde) prográmma álggus ja loahpas ja maiddái jeavddalaš digitálalaš deaivvadeamit miehtá prográmma (gáfestallamat).
Máksit buhtadusa soahpamuša mielde.
Sáhtát ohcat dán skovi bokte: https://forms.gle/9ftj7PNRrAZ1B2fy7 , bivdit du lasihit mielddusin iežat CV ja ohcamuša.
Háliidatgo oassálastit dieđu ja vásáhusaid ja bargovugiid juohkimii mentorerema ja duoji bokte?
Sáddes iežat ohcamuša maŋimustá 7. geassemánu Eambbo dieđuid oaččut: mikaela.unga-pirak@sameslojdstiftelsen.com
Giitu ohcamuša ovddas! Giitit beroštumis oassálastit mentoran Ruoktu resideansa prográmmii. Almmuhit dan maŋŋá go ohcanáigi lea nohkan.