Sámiráđđi jugii jagi 2025 kulturdoarjagiid
Photo: Saami Council / Piera Heaika Muotka
Sámiráđi kulturlávdegoddi lea juohkán jagi 2025 kulturmearreruđaid. Kulturdoarjagat juhkkojuvvojedje oktiibuot 1 965 000 NOK. Sámiráđi kulturdoarjagiid ulbmil lea doarjut, ealáskahttit ja ovddidit oktilaš sámi dáidda- ja kultursuorggi. Doarjaga sáhttet ohcat ovttaskas sápmelaččat, sámi joavkkut ja sámi searvvit. Doarjagiid juohkimis deattuhuvvojit earenoamážit doaimmat, mat fátmmastit olles Sámi. Kulturdoarjagiid ruhtada Davviriikkaid Ministtarráđđi.
Njeallje bargostipeandda jahkái 2025
Sámiráđđi jugii jahkái 2025 oktiibuot njeallje bargostipeandda, vaikko dávjjimusat dat juohká golbma. Jagi guhkkosaš bargostipeandda ožžo Iŋga-Wiktoria Påve guovttos Lova Lundbergiin (duodji), Hildá Länsman (musihkka), Cecilia Persson (filbma) ja Simon Issát Marainen (girjjálašvuohta). Okta bargostipeanda lea 200 000 NOK.
Sámiráđi kulturčálli Unna-Maari Pulska. Photo: Priváhta
Sámiráđđi almmustahttá ođđa doarjjahámi
Jagi 2025 álggus Sámiráđđi almmustahttá ođđa doarjjahámi, man namma lea Dalán-doarjja. Ođđa doarjjahápmi lea hábmejuvvon doarjut sámi dáidda- ja kultursuorggi vuorddekeahtes, hohpolaš ja dihto áigemearrái čadnojuvvon dáhpáhusain. Vuorddekeahtes dáhpáhus sáhttá leat ovdamearkka dihte festiválii, konsertii, čájáhussii, gursii dahje eará mávssolaš dáidda- ja kultursuorggi dilálašvuhtii oassálastin, masa ii vealttakeahttá leat sáhttán ohcat ruhtadeami eará sajis. Dalán-doarjaga sáhttá oažžut eanemustá 20 000 NOK. Dalán-doarjaga sáhttá ohcat golbmii jagis, ja jagi 2025 ohcanáiggit leat njukčamánus, miessemánus ja čakčamánus. Dalán-doarjja ii juolluduvvo investeremiidda, iige doaimmaide, mat leat juo ollašuvvan. Ođđa doarjjahámi geahččalit jagi 2025 áigge ja ovddidit dan vuostáiváldiid máhcahaga vuođul.
– Mii oažžut jahkásaččat doarjjaohcamušaid ohcanáiggi olggobealde. Dávjjimusat sáhka lea vuorddekeahttá ilbman liibbas, masa ohcci ii leat sáhttán ráhkkanit ovddalgihtii. Mii sávvat, ahte ođđa doarjjahápmi vástida dáidda hástalusaide. Dalán-doarjaga ulbmil lea doaibmat njuovžilit ja oktageardánit, ja mii sávvat ahte dan bokte mii sáhttit doarjut sámi dáidda- ja kultursuorggi beaktileappot. Mii geahččat, mot ođđa doarjjahápmi váldojuvvo atnui ja doaibmagoahtá ja ovddidit dan dárbbuid mielde, gávnnaha Sámiráđi kulturčálli Unna-Maari Pulska.
Bargostipeanddat 2025
PROŠEAKTADOARJAGAT 2025
| # | Oažžu namma | Prošeavtta namma | Submi |
|---|---|---|---|
| 1 | Ritni Ráste Pieski | Luossagonagas-govvačájahusa ráhkadeapmái | 34 000,00 kr |
| 2 | ČálliidLágádus | Dielkolahkki mánáidgirji golmma sámegillii | 34 000,00 kr |
| 3 | Oulun kulttuurisäätiö sr | Risku, Oulu2025 | 23 000,00 kr |
| 4 | Biret Haarla Pieski | Juovssaheaddji - The Rematriator ovddideapmái | 34 000,00 kr |
| 5 | Sámi dáidaga doarjjasearvi rs | SKÁBMAGOVAT EAMIÁLBMOGIID FILBMAFESTIVÁLA | 39 000,00 kr |
| 6 | Kárášjoga Sámiid Searvi (KSS) | Rabas duddjonbeaivvit Duodjeinstituhta dálus Kárášjogas | 31 000,00 kr |
| 7 | Inger-Mari Aikio | Álgoálbmogiid máŋggagielat diktaantologiijaráidu | 32 000,00 kr |
| 8 | Sara Kelemeny | Sååjj, a ij puåtkkån | 49 000,00 kr |
| 9 | Katarina Barruk | Innspilling av EP - Guv Lejmeh Sámieh (Når vi var samer) | 32 000,00 kr |
| 10 | Kulturporten i Porjus | Amplifying Sámi Experimental Music and Performance Art Within and Beyond Sápmi | 33 000,00 kr |
| 11 | 7ish Film (7išh Film) | GUSTO GUSTO | 32 000,00 kr |
| 12 | Mun Dajan- foreninga samiske forfattere | Mun Dajan 2025 | 28 000,00 kr |
| 13 | Aslak Heika Hætta Bjørn | American Sami - samisk tilhørighet i et splittet USA | 24 000,00 kr |
| 14 | Stiftelsen Gaaltije | Fealede daeverigujmie / Resa med föremålen / Journeying with objects | 31 000,00 kr |
| 15 | Kárášjoga neaktin ja juoigan | Neaktin ja juoigan skuvlamánát / Joik og teater skolebarn | 31 000,00 kr |
| 16 | Sámi Jienat | CSV Sámis | 15 000,00 kr |
| 17 | Rieban BM Haglund Musikkproduksjon | Bernt Mikkel Haglund med Joikere "25" | 24 000,00 kr |
| 18 | Ánndaris Rimpi | Ájges Ájggáj | 34 000,00 kr |
| 19 | Marja Kaarina Helander | Valokuvataidekirjan tekeminen | 24 000,00 kr |
| 20 | Vuohču sámiid searvi rs | Siika-áitti divvun | 31 000,00 kr |
| 21 | Vuohču sámiid searvi rs | Šelgos Tankajohka 2 | 23 000,00 kr |
| 22 | Gáddjá Haarla Pieski | Juovssaheaddji - The Rematriator ovddideapmi | 38 000,00 kr |
| 23 | Essi Morottaja | SUÕMMŠUÕN ~ ŠUOKŊASUOTNJARAT ~ ŠUOŊÂSUONJÂREH | 34 000,00 kr |
| 24 | Lotta Hagelin | Luossagonagas | 24 000,00 kr |
| 25 | Anára Sámisearvi ry | Ijahis idja 2025 -alkuperäiskansojen musiikkifestivaali | 42 000,00 kr |
| 26 | Riddu Riđđu Festivála | Barne- og ungdomssatsninger på Riddu Riđđu | 42 000,00 kr |
| 27 | Andrei Danilov | Samisk for flyktninger | 32 000,00 kr |