Ođđa girji sámi dáidaga ja duoji dili birra
Searvedoaibma: Art and Social Communities in Sápmi
Doaimmaheaddjit Mathias Danbolt, Britt Kramvig & Christina Hætta
Almmustahttán Sámi Allaskuvla DIEĐUT-dutkanráidu (1/2024)
Mielde Elisabeth Stubberud, Tuula Sharma Vassvik, Gunvor Guttorm, Iŋga Elisa Påve Idivuoma, Samuel Valkeapää, Erika de Vivo, Christina Hætta, Gry Fors Spein, Aslak Heika Hætta Bjørn, Jenni Laiti, Petra Laiti, Niillas Holmberg, Britt Kramvig ja Mathias Danbolt.
Giella: Eaŋgalasgiella ja davvisámegiella. 200 siiddu.
Haddi: 200 NOK. Jus háliidat diŋgot girjji, váldde oktavuođa: orderbook(at)samas.no
Antologiija “Searvedoaibma: Dáidda ja sosiála servošat Sámis” vuolggasadji lea paradoksas, mii laktása sámi dáidaga ja kultuvrra sajádahkii. Maŋimuš jagiid sámi dáidda ja duodji leat ožžon ođđa oinnolašvuođa riikkaidgaskasaččat, ja máŋggat sámi dáiddárat ja duojárat leat ovdanbuktán bargguideaset árvvus adnojuvvon čájáhusain ja institušuvnnain. Goittotge eavttut bargat sámi dáiddárin Sámis, eai leat rievdan seammá láhkai. Sámi dáiddainstitušuvnnat leat ain unnán, sámi dáiddamusea váilu ain, davviriikalaš álbmotstáhtaid ekonomalaš doarjjaráhkadusat eai leat vuogáiduvvan rájiid rasttildeaddji sámi dáiddasuorgái, ja sámi dáidaga kuráhtorovdáneapmái váikkuha menddo dávjá dat ahte ii leat sámegiellamáhttu iige máhttu árbevieruin ja bargovugiin.
Girji sisttisdoallá čállosiid eanaš sámi dutkiin, kuráhtoriin ja dáiddáriin, geat suokkardallet eavttuid bargat sámi dáidagiin ja dujiin áigodagas, masa lea mihtilmas duohtavuođa- ja soabadanproseassat ja aktivisttalaš vuostálastin sihke koloniijaválddi ja Davviriikkaid álbmotstáhtaid geavadagaid ja politihka vuostá. Girjji čállosat gieđahallet viidát iešguđet fáttáid, mat leat guovddážis sámi dáidaga ja servošiid geaidnoruossas dán áigge, queer sámi deaivvadanbáikkiid mearkkašumis performánssa ja dánsuma vejolašvuođaide ja soabadanproseassaide. Ovttas čállosat bohciidahttet gažaldagaid sámiid iešmearridanrievtti mearkkašumis sámi dáidaga ja kultuvrra ja ovdaneapmai – ja dat laktásit nannosit dáistaleapmái eanan- ja čáhcevuoigatvuođain.
Searvedoaibma lea boađus dutkanprošeavttas "Okta: Art and Communities in Friction in Sápmi " (2019–2022), man leat dorjon Norgga dáiddaráđđi ja Dánmárkku dáiddaráđđi ja maiddái UiT lasseruhtadeapmi: Norgga árktalaš universitehta, Sámediggi, Sámi allaskuvla, Sámiráđđi ja Davviriikkaid ministtarráđđi.
Mediat sáhttet váldit oktavuođa doaimmaheddjiide Mathias Danboltii (danbolt(at)hum.ku.dk) dahje Christina Hættai (christina(at)saamicouncil.net).