EU-Sámi vahkku lágiduvvo Brysselis geassemánu 20.-22. beaivve 2022.

Vahkku ulbmil lea nannet oktavuođa Sámi ja EU gaskkas. EU-Sámi vahkku lea vuosttaš lávki EU mearrideddjiid dieđuid nannemis das mo sápmelaččaid galgá vuhtii váldit mearrádusaid dahkamis. EU guoská máŋggaid surggiid main lea váikkuhus sámiid eallinvuohkái nugo dálkkádat ja biras, eanandoallu, skuvlejupmi, kultuvra ja dutkan, ja dan dihtii leage lunddolaš ahte nannet oktavuođaid. Mii sávvat ahte boahttevuođas dán vahkus šaddá jahkásaš vuogádat politihkalaš ságastallamiide sápmelaččaid ja EU gaskkas. 

Dáhpáhus galgá doaibmát fierpmádagaid huksen vuogádahkan báikálaš ja guovlluguovdasaš áššedovdiide gos geahčastat lea sámiid geahččanguovlus. Guovddážis leat ekonomalaš ovdaneami ja sosiálalaš oassálastima buriid geavádagaid lonohallan, rájáid rasttildeaddji ovttasbargu, guovlluguovdasaš innovašuvdna ja servodagaid jođihan báikkálaš ovdaneapmi.

Prográmma ja Báiki

European Committee of the Regions, 2 Rue Van Maerlant, 1040 Brussels

Duogášdieđut

EU oktasaš diehtojuohkkimis Árktalaš policy áššebáhpiris 2016 EU komišuvdna dovddasta dan man dehálaš gulahallan árktalaš eamiálbmogiin lea. Sii fuomášahttet ahte áigot joatkit gulahallama ja vuhtii váldima vai sáhttet sihkkarastit ahte eamiálbmogiid jietna ja rievttit gudnejahttojuvvojit ja dorjojuvvojit barggus mii čuohcá árktalaš guvlui. Dát áššit leat fárus maid EU beaivvádahttojuvvon árktalaš policy áššebáhpiris jagis 2021.

Dan dihtii de Sámiráđđi ja Suoma Sámi Nuorat leat plánegoahtán EU-Sámi vahku Brysselis vahkus 25 2022 vástádussan EU áigumušaide. EU-Sámi vahkku (ESW) lea oassin EU Interreg ruhtadan prošeavtta Filling the EU-Sápmi knowledge gaps. Prošeavttas leat njealje iešguđege oasi: oahpahalliprográmma, gurssat, EU-Sápmi strategiija hábmen ja EU-Sámi vahkku. Lassedieđuid várás sáhtát galledit min neahttasiidduin https://www.saamicouncil.net/sa/eu-capacity