Sámiráđđi lea álggahan ođđa nuoraidprošeavtta "Youth Together for Arctic Futures"

Sámiráđđi lea mielde ođđa nuoraidprošeavttas! WWF Global Arctic Programme ja EU jođihan prošeakta Youth Together for Arctic Futures lea dál almmuhuvvon! Prošeakta galgá nannet árktalaš ja eurohpalaš nuoraid vejolašvuođaid váikkuhit politihkkii mii váikkuha sidjiide, ja láhčit eurohpalaš ja árktalaš nuoraid gaskasaš lonohallama.

Nuorat miehtá máilmmi ellet dálkkádatrievdamiid, biologalaš šláddjivuođa manaheami ja birasnuoskkideami váikkuhusaiguin. Árktis, regiovdnan, ja Eurohpa, nannán, lieggana máŋgga geardde jođáneappot go máilmmi gaskamearri. Mearrádusat mat dahkkojuvvojit dál ja boahtteáiggis, maid buot dásiid mearrideaddjit dahket, hábmejit dáid váikkuhusaid duođalašvuođa, ja EU lea geatnegahtton sihkkarastit ahte boahttevaš buolvvaide lea ealli planehta. Nuorra olbmot háliidit eanet vejolašvuođaid doaibmat ja váikkuhit politihka mii váikkuha sidjiide. Jus dan galgá dahkat, de dárbbašit máhtu, vejolašvuođaid ja oktavuođaid bealuštit buori dálkkádat- ja biraspolitihka.  

Anja Márjá Nystø Keskitalo, álgoálbmotkoordináhtor prošeavttas.

Govva: Arctic Frontiers

Ođđajagimánus 2024 almmuhii árktalaš ja eurohpalaš ovttasbargoorganisašuvnnaid prošeavtta Youth Together for Arctic Futures nannen dihtii árktalaš ja eurohpalaš nuoraid vejolašvuođaid váikkuhit politihka boahtteáiggi, ceavzilis ja birgejeaddji Árktisa várás. Dán njealljejagáš prošeavtta ulbmil lea addit árktalaš ja eurohpalaš nuoraide máhtu, gálggaid ja vejolašvuođaid bargat dainna ulbmiliin ahte sajáiduhttit buori dálkkádat ja -biraspolitihka Árktalaš guovlluide. Erenomáš fuomášupmi biddjojuvvo fátmmastit Árktisa joavkkuid main lea unnán ovddastus, nugo nissonolbmuid, álgoálbmogiid ja sosiála dahje eará minoritehtaid.

Prošeakta ii dušše gieđahala dálkkádatrievdamiid eahpegovttolaš váikkuhusaid árktalaš nuoraide, muhto oaidná maiddái man dehálaš lea siskkildit eurohpálaš nuoraid ságastallamiidda. Go árktalaš ja eurohpálaš nuorat láhčet dilálašvuođaid ovttasbargui ja goabbat guvlui oahppamii, de prošeakta hukse šalddiid, lonohallá jurdagiid, ja ovttas gávdnet čovdosiid oktasaš hástalusaide. Dat lea áidnalunddot vejolašvuohta eurohpálaš nuoraide oažžut ipmárdusa dain erenoamáš hástalusain mat Árktisis leat ovddabealde, ja dat ovddida oktasaš ovddasvástádusa ja ipmárdusa dovddu.

”Mii leat gelddolaččat bargat ovttas árktalaš ja eurohpálaš nuoraiguin ja min ovttasbargoorganisašuvnnaiguin. ”Ovttas lea čoavddasátni prošektii - mis lea vejolašvuohta ovttas hábmet dakkár politihka mii duođai suddje árktalaš ekovuogádagaid ja eallámuš”, dadjá Vicki Lee Wallgren, WWF Global Arctic Programmas.

Čoavddaoassi prošeavttas lea EU-Arctic Youth Dialogue ásaheapmi, mii šaddá leat oassin EU leavgaskihpárlágideamis Árktisa várás, EU Arctic Forum and the Indigenous Peoples Dialogue. Sihkkarastin dihtii ahte prošeakta smiehttá nuoraid dárbbuid ja perspektiivvaid, de galgá nuoraidstivra mas leat árktalaš ja eurohpálaš nuorat, stivret dán guvlui.

”Prošeakta addá árktalaš nuoraide erenoamáš vejolašvuođa bidjat sin áššiid politihkalaš agendai. Ođđa Arctic Youth Dialogue bokte, mii ráhkadit vuođu ságastallat rahpasit Árktalaš ja eamiálbmogiid áššiid birra, eurohpálaš ja árktalaš nuoraid gaskkas. Mii leat oaidnán ahte eurohpalaš nuorat leat eanet beroštuvvan árktalaš áššiin, ja dát prošeakta lea vearditmeahttun sadji EU:a jurdagiid lonuhallamii dakkár politihka birra mii váikkuha Árktalaš guovllu,” dadjá Anja Márja Nystø Keskitalo, eamiálbmotkoordináhtor, Youth Together for Arctic Futures.

Lassin EU-Arctic Youth Dialogue, galgá prošeakta maiddái buvttadit State of the Arctic Youth Report, mii addá nuoraide vejolašvuođa hábmet politihkalaš gáibádusaid ja doalahit mearrideaddjiid ovddasvástideaddjin. Lassin dasa lágiduvvojit máŋga doaimma, nu go mentorprográmma nuoraide, “crashcourse” EU ja Árktalaš politihkkahábmema birra, nuoraidjođihuvvon media- ja dáiddabuvttadeapmi, ja eará.

“Dát prošeakta addá vejolašvuođa eurohpalaš nuoraide oažžut oktavuođa Eurohpa nuortaleamos guovllu nuoraiguin. Mun illudan oaidnit movt árktalaš ja eurohpalaš nuorat sáhttet ovttasbargat oažžun dihte nana, ceavzilis ja ráfálaš árktalaš ja eurohpalaš boahtteáiggi,” dadjá Anna Suprunenko, hálddahusdirektevra European Youth Parliament:as.

Sámiráđđi ovttasbargá organisašuvnnaiguin mat addet máŋga logijagi vásáhusaid nuoraidbargguin, politihkkaovddideamis, ja dutkamis ja seailluheamis árktalaš ekovuogádagaid ja eallinvugiid: Arctic Youth Network, European Youth Parliament, Sámiráđđi, Arctic Mayors’ Forum, Romssa suohkan, Romssa universitehta, ja Association of Polar Early Career Scientists. Prošeavtta lea dorjon Norgga Arctic Council jođihangoddi, WWF Greenland, ja Arctic Frontiers ovttasbargoguoibmin.

Youth Together for Arctic Futures lea ruhtaduvvon Eurohpa Uniovnnas. Dán almmuheami sisdoallu lea dušše Sámiráđi ovddasvástádus, ja ii soaitte fátmmastit EU oainnuid.