Sámiráđđi jugii jagi 2024 kulturdoarjagiid
Sámiráđi kulturlávdegoddi lea juohkán jagi 2024 kulturdoarjagiid. Kulturdoarjagat juhkkojuvvojedje iešguđet kultursurggiide miehtá Sámi oktiibuot 1 800 000 NOK. Sámiráđi kulturdoarjagiid ulbmil lea doarjut, ealáskahttit ja ovddidit oktilaš sámi dáidda- ja kultursuorggi. Doarjaga sáhttet ohcat ovttaskas sápmelaččat, sámi joavkkut ja sámi searvvit. Doarjagiid juohkimis deattuhuvvojit earenoamážit doaimmat, mat fátmmastit olles Sámi. Kulturdoarjagiid ruhtada Davviriikkaid Ministtarráđđi.
Bargostipeandda ožžo Lars Henrik Blind, Lada Suomenrinne ja Ailu Valle
Sámiráđđi jugii jahkái 2024 oktiibuot golbma bargostipeandda. Jagi guhkkosaš bargostipeandda ožžo Lars Henrik Blind (musihkka), Lada Suomenrinne (dáidda), ja Ailu Valle (musihkka). Okta bargostipeanda lea 200 000 NOK.
- Mii oaččuimet ollu buriid ohcamušaid, man dihte lei váttis válljet, geat ožžot doarjagiid. Erenomážit bargostipeanddaid juohkin lei váttis, daningo dat leat juohkin ládje dušše golbma. Dasa lassin dán jagi mis lei juohkin ládje unnit ruhta go diibmá, mii váttásmahtii mearrádusbargama. Mii illudit goit ge buot dáin prošeavttain geat dál ožžot ruhtadeami ja vuordit ahte mii sámi servodagas beassat ilosmuvvat daid bohtosiin, dadjá Sámiráđi kulturlávdegoddi jođiheaddji Mary Sarre ja sávvá lihku buohkaide, geat ožžo kulturdoarjagiid.
valjis ohcamušat – Ruošša bealde eai boahtán ohcamušat
Sámiráđi jahkásaš kulturdoarjagiidda bohte oktiibuot 107 ohcamuša. Lohku lea stuoris, go vuhtiiváldá, ahte das váilot Ruošša bealde ássi sámiid ohcamušat. Ruošša bealde lea láven boahtit goalmmát oassi ohcamušain.
- Lea unohas, go máilmmis lea váivves dilli nu mot lea. Lea váttis oppa jurddašitge Ruošša beale sámiid. Mii eat sáhttán juohkit kulturdoarjagiid Ruošša beallái, muhto Ruošša beale sámit leat min jurdagiin, loahpaha Sarre.
Bargostipeanddat 2024
Lars Henrik Blind
Lars Heaika Blind (r. 1954) lea boazovázzi, juoigi ja máinnasteaddji, guhte lea eret Gárasavvonis. Son lea doaibman sámi kultursuorggis aktiivvalaččat badjel 40 jagi. Nuorra juoigin son lea johtán miehtá ruovttueatnama ja olgoriikkaid ovttas ee. Áillohaččain. Son lea bargan maiddái Girona sámi teáhteris ja leamašan mielde máŋggain ealligovvabuvttademiin. Lars Heaikkas lea ollu diehtu ja ráhkisvuohta luohteárbbi guovdu. Sámiráđi bargostipeanddain son bargagoahtá ođđa luohteskearruinis, man namma lea Luohteárbi.
GOVVA: HANS OLOF UTSI
Lada Suomenrinne
Lada Suomenrinne (r. 1995) lea šaddan Davvi-Ruoššas, muhto lea orron stuorámus oasi eallimisttis Suoma davimus báikkis Sámis. Doppe su áhččebealli adopterii su iežas sámebearrašii. Suomenrinne ovdanbuktá govvema bokte vejolaš vugiid ovttasbargat eatnamiin. Son ohcá duovdagiid govvemis dialoga oinnolaš ja oaidnemeahttun ealli oruhiiguin. Suomenrinne dutká barggustis gaskavuođa sámevuhtii, man son lea árben adopšuvnna bokte. Son gulahallá luondduin, mainna son ohcá dorvvolaš báikki eamiálbmogin dán máilmmi loahpas. Bargostipeanddain Suomenrinne joatká barggus máilmmiloahpaid ja ođđa boahttevuođaid olis čuovgagovvema vugiiguin. Bargostipeandáigodagas son áigu hukset visuála dialoga duovdagis, man son juohká áhkuinis.
Ailu Valle
Ailu Valle (r. 1985) lea ráppejeaddji, guhte lea bajásšaddan Gámasmohkis, muhto orru dán áigge Avvilis. Valle ráppe davvisámegillii, muhto maiddái suoma- ja eaŋgalasgillii. Su lávlagat gieđahallet eamiálbmogiid eallinfilosofiija oassin luonddus, ja dasa lassin son kritisere kapitalismma ja ruhtavuogádaga. Maŋŋelis son lea viežžan inspirašuvnna joogas ja vuoiŋŋalašvuođas ja das, mot daid sáhtášii ovttastahttit sámi filosofiijai ja sámiid jáhkuide. Valle lea bárrásii gárveme davvisámegielat ja anárašgielat rap-álbuma ovttas Mikkal Morottajain dahjege Amociin. Bargostipeanddain son beassá vuodjut dáiddalaš proseassaide ja ee. álggahit iežas soloálbuma, man vuođđojurddan lea fámuidahttin. Son maiddái joatká ovttasbarggu musihkkasuorggis iešguđet artisttaiguin.
GOVVA: VESA TOPPARI
Prošeaktadoarjagat 2024
Oslo Sámiid searvi, Bevaring og formidling av Samisk joiketradisjon i Oslo, kr 20 500
Iŋgá Márjá Sarre AS, Ovdaprošeakta: Eallima gierdu, kr 40 000
Máret Ásllat Ivvár Ovllá Nilla Ritni Ráste Pieski, Girjái- dekoloniála barggu čiekŋudeapmái ja viiddideapmái, kr 54 000
Suoma Sámi Nuorat rs, Johtti Lávvu, kr 30 000
Oslo Sámiid searvi, Overføring av tradisjonell kunnskap – Samisk koftesøm, kr 40 000
Roman Iakovlev, Publication of 100 Kildin Sami Luvts, kr 20 000
Vuohču Sámiid Searvi rs, Šelgos Tankajohka, kr 40 000
Milla Elmiina Pulska, Musihkalaš oanehašfilmma buvttadeami válmmasteapmi, kr 30 000
Tjállegoahte, Sápmi Bokmässan 2024, kr 30 000
Fredrik Prost, Research-mátki Mongoliái, kr 45 000
Ardis Ronte Eriksen, Bandvev for nyutgivelse, kr 40 000
Outi Pieski, Installašuvnna ráhkadeapmi Tate St Ives -čájahussii, kr 30 000
Aslak Paltto, Sámi boazodoallu goariduvvá davviriikaid boraspirepolitihkain, kr 20 000
Kirsi Paltto, Bassi muoraid vuovdi, kr 25 000
Niels Ovllá Oskal Dunfjell, OSCAAL, kr 25 000
DeanuInstituhtta, Seailluhit Deanuleagi juoiganárbevieru, kr 30 000
Sámi dáidaga doarjjasearvi rs, Skábmagovat eamiálbmogiid filbmafestivála, kr 40 000
Sámi musihkkafestivála, Sámi Grand Prix 2024, kr 30 000
Gunvor Guttorm, Arctic Highways, dáiddačájáhus, IAIA Museum of Contemporary Native Arts, SantaFe, New Mexico, kr 20 000
Inger-Mari Aikio, Álgoálbmogiid diktaantologiijaráiddu čohkken, kr 40 000
Davvi Division AS, Lounge Sápmi 2024, kr 40 000
Dearna, Dearna 30 år, kr 40 000
Såhkie Umeå sameförening, Kultuvrrasrieh jah Sámieh / Kulturhuvudstäder och samer, kr 30 000
Insamlings- och Sameslöjdstiftelsen Sámi Duodji, Duodjeábnnasa, kr 50 000
Camilla Therese Karlsen, Electric Lies: Broken Ground, kr 40 000
Emma Elliane Oskal Valkeapää, Albumutgivelse "Vájáldettiin / Mens jeg vandrer", kr 30 500
Sámi Jienat, ČSV Sámis, kr 20 000
FA Sapmi, Kulturarrangemang Conifa Womens World Cup 2024 Bodö, kr 30 000
Stiftelsen Saemien Sijte, Kulturtiltak Tjaktjen Tjåanghkoe 2024, kr 50 000
Rieban Music from Sápmi AS, Bernt Mikkel Haglund Album og single prosjekt Trad joik med moderne musikk, kr 30 000
Stuornjárgga sámiid duodjie, Duodjie-kurs, kr 25 000
Paul-Anders Simma, Studieresa till Berlin 2024, kr 30 000
Ánndaris Rimpi, Luondo Jiena / Naturens Röster, kr 35 000
Sámi Árvvut rs, Sámi árbevirolašdieđu čohkken ja almmuheapmi, kr 20 000
Anára Sámisearvi ry, Ijahis idja 2024 - eamiálbmogiid musihkkafestivála, kr 40 000
Essi Morottaja, Lyhytkoulutus saamelaisesta vokaaliperinteestä, kr 10 000
Filbmagoahti OS, Lydbrev fra Ecuador, kr 30 000
Lassedieđut:
Mary Sarre
Kulturlávdegotti jođiheaddji
+47 986 79 544
mary(at)sarre.no
Unna-Maari Pulska
Sámiráđi kulturčálli
+ 358 44 555 3897