Digaštallančálus "Working towards ethical guidelines for research involving the Sámi"
Sámiráđđi lea bivdán Áslat Holmberg čállit digaštallančállosa "Working towards ethical guidelines for research involving the Sámi". Čálus čuovvu mielddusin. Čállosis čujuhuvvo iešguđet bargguide, mat dán rádjái leat dahkkon dutkanetihka birra Sámis, oanehaš čilgehus makkár sullásaš barggut leat čađahuvvon muhttin eará álgoalbmotguovlluin ja mo oamastanvuoigatvuođat ja iešmearrideapmi maid guoská dutkansuorgái.
Loahppaoasis buktá Holmberg muhtin evttohusaid mo viidaseabbot bargat dáinna áššiin. Váldoevttohusaid rapportas gávdnabehtet kapihtaliin 5-7.
Sámiráđđi bivdá dál din buktit mearkkašumiid čállosii, oažžundihte evttohusaid mo dii, sámi dutkama berošteaddjit oidnibehtet ášši. Áigemeari buktit čálalaš mearkkašumiid lea 15.11.2022. Bivdit sáddet mearkkašumiid čuhujussii: rune.fjellheim@saamicouncil.net
Mii leat maiddái álggahan ovttasbarggu Sámi Allaskuvllain lágidit dán digaštallančállosa vuođul, bargobáji 22.-23.11.2022 Guovdageainnus. Várre fal áiggi diesa searvat. Eanet dieđut bargobáji birra bohtet Sámi Allaskuvlla ja Sámiráđi bealis oalle fargga.
Jos dovddat earáid geat sáhtašedje beroštit áššis, sádde ainnas dán viidaseabbot sidjiide.
Du/din čálálaš mearkkašumit bohtet čohkkejuvvot ja presenterejuvvot bargobájis ja geavahuvvot min viidásit barggus sámi dutkanetihkka birra.
