Buorre Oahppu
Mihttu lea sihkkarastit fátmmasteaddji, vuoiggalaš ja buori oahpu, ja buohkaide ovddidit vejolašvuođaid oahppat olles eallinagi.
Sohkabealerohusat oahpus ja oahpahusas galgá heaittuhuvvot ja buohkat galget sihkkarastot seamma vejolašvuođaid váldit oahpu ja fidnofágalaš oahpu buot dásiin. Dán oktavuođas leat eamiálbmogat erenoamážit namuhuvvon.
Buot oahppit ja studeanttat galget háhkat gelbbolašvuođa mii lea dárbbašlaš ovddidan dihte ceavzilis ovdáneami. Earret eará oahpu ja eallindábiid, olmmošvuoigatvuođaid, ovttadássásašvuođa, ovddiduvvon ráfi- ja ii-veahkaválddálašvuođakultuvrra, globála borgárvuođa, ja kultuvrralaš máŋggabealatvuođa árvvus atnima bokte, ja dan bokte mo kultuvra lea veahkkin ceavzilis ovdáneapmái.
ON eamiálbmotjulggaštus deattuha eamiálbmogiin lea vuoigatvuohta ohppui, ja ahte lea dárbbašlaš ahte eamiálbmogiid perspektiivvat maid leat oassin oahpahusas ja almmolaš diehtojuohkimis majoritehtaservodagain (artihkkal 14 ja 15).
