Rabas Mentorvirggit: Hábmemin váikkuheddjiid Sápmái
Hábme ja movttiidahte boahtteáiggi Sámi váikkuheddjiid. Searvva mentorin!
Sámiráđđi ja Suoma Sámiid Guovddášsearvi ohcaba višunálaš mentoriid.
Dát jahkásaš ollesáigevirgi galgá bagadit Sámi boahttevaš váikkuheddjiid, ja fállat erenoamáš vejolašvuođa hárjánan fágaolbmuide váikkuhit sámi servodaga boahtteáigái, seammás go nannejit iežaset persovnnalaččat ja fágalaččat.
Maid don fálat:
Jođihat viissisvuođain: Geavahat iežat viiddes vásáhusaid ja máhtu sámi servodaga ja rájárasttildeaddji ovttasbarggu birra movttiidahttit ja oahpahit.
Ovddidat ovttaskas olbmo ovdáneami: Rávvet nuorra olbmuid organisašuvdna- ja váikkuhanbarggu hástalusaid bokte, ja heivehat doaimmaid ovttaskas olbmo dárbbuide.
Ovttasbargoninnovašuvdna: Barggat ovttas prošeaktamielbargiiguin ja nuppi mentoriin, ja barggat ReCap ASáp govddit mihttomeriid juksama ovdii.
Du gelbbolašvuohta:
Nana duogáš mearkkašahtti surggiin, ovttas viiddes máhtuin sámi servodaga birra ja vásáhusaiguin sámi organisašuvnnain.
Duođaštuvvon vásáhusat rájárasttildeaddji ovttasbarggus Sámis.
Erenomáš gulahallannávccat ja návccat bargat iešheanalaččat ja maiddái ovttas earáiguin.
Giellamáhttu sámegielas ja ovtta davviriikkalaš gielas lea vuoruhuvvon, dasa lassin buorre eaŋgalasgiella.
Maid virgi fállá dutnje:
Guovddáš rolla oahpisteamen ođđa Sámi váikkuheddjiid.
Vejolašvuohta váikkuhit sámi servodahkii.
Vejolašvuohta gaskkustit máhtolašvuođa ja vásáhusa viidáseappot.
Bagadallama lassin maiddái fátmmastit prográmmá plánema ja čađaheami.
Vejolašvuohta bargat lágaš oktavuođas ođđa bargoskihpáriiguin ja olggobeale ovttasbargoguimmiiguin.
Dávggasis bargoortnegat, vejolašvuođa mielde ruovttukantuvra dahje Sámiráđi dahje Suoma Sámiid Guovddášsearvvi kantuvrrain.
Dieđut váikkuhanprográmma birra
Interreg ruhtadan prošeakta ReCap ASáp: Regaining capacity in a changing Sápmi álggaha ovtta jagi váikkuhanprográmma. Prográmmii gullet golbma oasseváldi, geat barget ollesáiggis 12 mánu. Oasseváldit leat okta guđege riikkas Suomas, Norggas ja Ruoŧas.
Prográmma galgá fállat oahpahusa álgoálbmotvuoigatvuođain ja sámi ja álgoálbmotgažaldagain nationála dahje riikkaidgaskasaš dásis, ja ovddidit sámi oainnuid.
Prográmma oasseváldit galget oahppat sámi servodaga birra, oažžut oahpu váikkuhanbarggus ja geavatlaš hárjáneami organisašuvdnabargguin. Prográmma addá maiddái vejolašvuođa oahpásmuvvat dasa mo Sámiráđđi, Suoma Sámiid Guovddášsearvi ja eará sámi organisašuvnnat ja ásahusat barget sámi gažaldagaiguin sihke riikkaidgaskasaččat ja našuvnnalaččat.
Dieđut mentorvirggiid birra
Interreg-prošeakta ReCap ASáp: Regaining capacity in a changing Sápmi virgáda guokte mentora sámi váikkuhanprográmmii. Mentorvirgi lea 100% 12 mánu ovddas. Okta mentorvirgi Supmii ja okta virgi Ruŧŧii.
Dát guokte mentora barget ollesáiggis ReCap ASáp prošeavttas, lagaš ovttasbarggus eará prošeaktamielbargiiguin. Mentoraid váldobargu lea plánet ja čađahit váikkuhanprográmma. Mentorat bagadallet prográmmaoasseváldiid dan erenoamáš bargguid čađa. Mentorat sáhttet maiddái heivehit bargobihtáid juohke oasseváldái individuálalaččat. Eará ReCap ASáp-prošeavtta guoskevaš bargguid sáhttá lasihit mentora gelbbolašvuođa mielde. Bargui gullet mátikkit Sámis.
-
Relevánta oahppu ja/dahje bargohárjáneapmi,
Viiddes máhttu sámi servodaga birra,
Máhttu sámi organisašuvnnaid barggu birra,
Vásáhusat rájiidrasttideaddji bargguin Sámis,
Buorit gulahallandáiddut,
Buorit návccat bargat iešheanalaččat ja bures ovttasbargat earáiguin,
Sámegielgelbbolašvuohta vuoruhuvvo. Ohcci ferte maid máhttit ovtta davviriikkalaš giela ja dan lassin bargui gáibiduvvo buorre giellamáhttu sihke čálalaš ja njálmmálaš eaŋgalasgielas.
Ohcanproseassa
Sidjiide geat dovdet leat gergosat dán mentorbargui, mii bovdet du ohcat. Sáddes ohcama ovdal cuoŋománu 21. b., oktan dárkilis dieđuiguin du vásáhusain ja višuvnnaiguin váikkuhanprográmma barggus.
Juos dus leat gažaldagat virggiid ektui váldde oktavuođa prošeaktajođiheddjiin Åsa Larsson Blindiin +46 702 543 356 dahje asa@saamicouncil.net.
The Saami Council is a voluntary and independent cultural, political, and cooperative organization for Sámi organizations in Finland, Norway, the Russian Federation, and Sweden.
The overarching goal of the Saami Council is to safeguard the rights and interests of the Sámi as one people, as well as to strengthen the Sámi's cross-border affiliations. The Saami Council also works internationally to promote and secure the interests and rights of the Sámi and other indigenous peoples. The Saami Council has four thematic departments: the Arctic and Environmental Affairs Department, the Human Rights Department, the Cultural Department, and the EU Department.