Sámiráđđi bivdá evttohusaid jagi 2024 girjjálašvuođabálkkašumi evttohassan
Govas jagi 2022 sámi girjjálašvuođabálkkašumi vuoiti Sara Vuolab.
Sámiráđđi bivdá evttohusaid jagi 2024 girjjálašvuođabálkkašumi oažžun. Girjjálašvuođabálkkašumi ulbmilin lea movttiidahttit olbmuid čállit sámegillii, man lassin dat buktá beaggima čálliide ja dahká sámi girjjálašvuođa dovddusin. Girjjálašvuođabálkkašupmi juhkkojuvvo vurrolagaid mánáid- ja nuoraidgirjái dahje rávesolbmuide oaivvilduvvon girjái. Jagi 2024 girjjálašvuođa-bálkkašupmi addojuvvo mánáid- ja nuoraidgirjái.
Sámiráđđi bálkkaša sámegillii čállojuvvon čáppagirjjálašvuođagirjji, mii sáhttá leat romána, dráma, dikta-, novealla- dahje esseijačoakkáldat. Bálkkašupmi ii addojuvvo eallingeardái dahje máinnasčoakkáldahkii. Girji galgá leat almmustahttojuvvon maŋimuš njealji jagi siste gaskkal 1.1.2020–31.12.2023. Girjji originálagiella galgá leat sámegiella. Bálkkašumi ii sáhte juohkit sámegillii jorgaluvvon girjjiide. Unnitlogu sámegielaid buohta sáhttet spiehkkasit originálagiela ektui, dasgo dáid gielaide almmustuvvet unnán girjjit. Juos lágádusat evttohit girjjiid, mat leat jorgaluvvon sámegillii, de bivdit buktit dan čielgasit ovdan. Áššedovdijoavku mearrida sierra, dohkkehuvvojitgo jorgaluvvon girjjit evttohassan. Evttohusa mielde galget čuovvut vihtta (5) girjji áššedovdiide lohkan láhkai. Bálkkašumi juohkimis mearrida áššedovdijoavku.
Mii bivdit sáddet evttohusaid bálkkašumi juohkimis oktan ákkastallamiiguin maŋemustá 15.3.2024 čujuhussii:
Sámiráđđi
Poastaboksa 162
N-9735 Kárášjohka
Norway
Lassedieđut:
