Bures boahtin
SÁMIRÁĐĐÁI
Sámiráđđi lea sápmelaččaid oktasaš sorjjasmeahttun kulturpolitihkalaš ja politihkalaš ásahus, mii doaibmá Norgga, Ruoŧa, Ruošša ja Suoma sámiid organisašuvnnaid oktasašbargoorgánan. Vuođđudeami rájes jagis 1956 Sámiráđđi lea aktiivvalaččat bargan sámepolitihkalaš figgamušain.
“Mii sámit leat okta álbmot ja mis lea oktasaš historjá, kultuvra ja giella ja mii eallit eatnan- ja áhpeguovlluin, mat gullet sámi álbmogii ja maid mii sámit leat oamastan ja hálddašan áiggiid čađa ovdal stáhtaásahemiid.”